نكت مغربية جديدة روعة
واحد سول صاحبو: أشنو سمية رونالدينو؟
قال ليه: سميتو صالح
سولو صاحبو: وكيفاش عرفتيها؟
قال ليه: سمعت المديع ف الماتش قال خطأ لصالح رونالدينو
____________________________________________________________________________
2.مكلخ خطف مكلخة ودارها ف الطوموبيل . البنت بدات كتغوت
قال ليها المكلخ: غادي تسكتي أولا غادي تنزلي
قالت ليه: لا صافي هاني سكت
_____________________________________________________________________________
3.هادا واحد الطير خرج ف الجاج ديال واحد الطوموبيل. مول الطوموبيل داه للدار ودارو ف قفص. ملي فاق الطير لقى راسو محبوس ف القفص وهو يقول : أواه! زعما يكون الراجل مات؟
___________________________________________________________________________
4.هادو جوج غاديين ف الغابة وهو يخرج ليهم سبع. ناض اللول ضرب السبع بحجرة كبيرة وهرب كيجري. شوية وهو يتلفت وراه وبان ليه صاحبو كاع ما كيجريش. قالليه: وا مالك أصاحبي ماكتجريش؟
جاوبو صاحبو: وعلاش نجري؟مالي أنا اللي ضربتو
___________________________________________________________________________
5.واحد الدجاجة انتحرت و كتبات ف الوصية ديالها: إيوا شبعوا بضامة البنة
______________________________________________________________________________
6.واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها
___________________________________________________
7.هادو جوج مبوقين مخاطرين على مش... واش نيت مش أولا مشة
داز واحد مبوق كتر منهم و هوما يسولوه. قال ليهم : ساهلة! نضربو بحجرة. إيلا هرب هي مش، و إيلا هربات هي مشة
___________________________________________________
8.هادي واحد المعلمة رسمات للدراري تراكتور و سولاتهم واش عرفوا أشنوسميته .
حتى واحد ماعرفه. واحد شوية وهي تنوض واحد باش يجاوبو الدري تمتام، قال ليها: تر تر تر تر تر تر
وهي تقول ليه : أنا غير سولتك على سميته ماشي قلت ليك دير ليه أمارش
_______________________________________________________
9.هادا واحد مكلخ مشى عند مول التلفزيونات و قال ليه: عندك تلفزيونات بالألوان؟
قال ليه لاخور : كاينين
وهو يقول ليه المكلخ: واخا عطيني واحد خضر
____________________________________________________
10.هادا واحد مبوق قال: بسم الله
ناض خوه قالليه: أهيا! راه حنا كفار، واش نسيتي
قال لي لاخور: أستغفرالله
____________________________________________________
11.هادا واحد شابع عياقة. مشى يدوز امتحان ف الفرنسية، سولوه أشنا هو الحديد بالفرنسية. قال ليهم
musculation
_______________________________________________________________________________
12.هادا واحد أحول تسجل ف الجيش... ناضوا حطوه ف قسم القصف العشوائي
______________________________________________________
13.واحد المرة قالت لراجلها: نصوب ليك المصمن أولا البعرير؟
قال ليها: صاوبي فمك هو اللول
______________________________________________________
14.هادا واحد مبوق كيجريو عليه البوليس و كيهرب ليهم ف الدروبة ما قدروش يشدوه. واحد شوية شافوه راجع عندهم قال ليهم : الدراري، عييت اليوم. حتال غدا ونكملوا
_____________________________________________________
15.مسموم قطعات ليه الدولة النص ديال المانضة ديالو كتبرع للانتفاضة، ناض تبرع بالنص التاني لإسرائيل
_____________________________________________________
16.هادا واحد مشى لمطعم ف فرنسا، و عيط للجرسون : جرسون، بغيت حريرة عافاك .
قال ليه الجرسون : باردون؟
قال ليه لاخور: لا، ساخنون
_____________________________________________________
17.حمار قال لخطيبته: إيمتا غادي نتجوجو أ الحمارة؟
قالت ليه: حتى تعرف تهدر أ الحيوان
:-
السبت 30 يناير 2010, 10:32
